Nalunaarusiaq oqallisigineqalerpat viinneqassaaq
Nalunaarusiap suliarineqarneranut atatillugu ataatsimiititaliami siulittaasoq professor Minik Rosing aamma Naalakkersuisut siulittaasorisimasaat Kuupik V. Kleist kiisalu aviisip Politiken-inip aaqqissuisuunera Bo Lidegaard peqataassapput, Bo Lidegaard oqallinermi aqutsisuussalluni.
Nalunaarusiami paasineqartut aallaavigalugit oqallittoqassaaq, tassalu sukkasuumik silap pissusaata allanngorneratigut Kalaallit Nunaanni innuttaasunut sunniutai aamma piniarneq aalisarnerlu kiisalu nunat allamiut kulturiisa atorneqaleriartornerat aammalu nunat allamiut nunatsinnut tikittartut oqalligisineqassallutik.
Kalaallit Nunaanni politikerit pingaaruteqartunik annertuunik aalajangigassaqarput, tassalu aatsitassat kalaallit Nunaata qanoq iluaqutigisinnaanerai aamma Danmarkimut attaveqarneq qanoq issanersoq kiisalu Naalagaaffeqatigiinneq qanoq inertortinneqassanersoq oqallisigineqassapput.
Aalajangiinerit pisussat Kalaallit Nunaanni allannguisussaapput aammalu nunarsuarmioqatitsinnut attaveqarnerput allanngussallutik, Københavnimi katersugaasivik Naturhistoriske Museum oqallinnissamut aggersaanermi taama allappoq. Oqallittoqarnerani neriuutigineqarpoq Kalaallit Nunaata siunissaa pillugu Minik Rosing aamma Kuupik V. Kleist siunnersuuteqarumaartut.
Katersugaasivik oqalugiartitsinernik arlaqartunik aaqqissuussisarpoq, taaguuteqartinneqarluni Viinni ilisimatuussutsikkullu paasisat oqallinneq Københavnemi Geologisk Museumimi pissaaq.
