Kalaallit Nunaanni illoqarfiit nunaqarfiillu eqqaavissuisa avataanni uumasut naasullu 2002-miit 2004-mut misissuiffigereerlugit, Danmarkimi Avatangiisinik misissuisarfimmit, DMU-mit, ilisimatuut nalunaarusiaat, Namminersornerullutik Oqartussanit akuerineqarusunngilaq. Nanortalimmi Pituffimmisuulli mingutsitsisoqartigisoq Danmarkimi avatangiisinik misissuisarfimmit misissuisoqarmat paasineqarpoq.
DMU-p misissuinermini paasisai Avatangiisinut Pinngortitamullu Pisortaqarfimmit isornartorsiorneqarput. Pituffimmi, illoqarfinni marlunni nunaqarfinnilu marlunni misissuinerit assersuunneqarsinnaanngillat. Sinerissami misissugassat katersorneqarneranni assigiinngitsumik periuseqarsimaneq, Avatangiisinut pisortaqarfimmit tikkuartorneqarpoq.
DMU-p nalunaarusiaata saqqummiuneqarnera nalaarsinerluivoq. DMU suleqatigalugu Pituffiup eqqaani avatangiisit mingutsinneqarneri ukiuni pingasuni kingullerni misissuiffigineqarput.
Suliaq naammassippat saliinissap aningaasaliiffiginissaa naalakkersuisut danskillu naalakkersuisuisa isumaqatigiinniutigissavaat. Saliinerup aningaasaliiffiginissaanut naalagaaffik imminut pisussaaffilersimavoq.