Nalunaarusiaq kinguarpoq
Isumalioqatigiissitap nalunaarusiaani aalajangersimasut sorliit kinguartinneqarnersut ilisimanngilakka, Angallannermut Attaveqarnermullu Naalakersuisoq Jens B. Frederiksen oqarpoq.
Innersuussutigineqartut ilaat piffissaq eqqorlugu tunniunneqarnissaat naatsorsuutigaakka, kisianni tamakkiisumik tunniussinissaat ilimaginngilara, Jens B. Frederiksen oqarpoq.
Assartuineq pillugu Isumalioqatigiissitap sulinini sivitsorniarlugu kissaateqarnera, Jens B. Frederiksenip qulakkeerlugu oqaatigaa. Isumalioqatigiissitap sulinini aallartereerlugu suliassanik marlunnik suliassinneqarpoq. Umiarsuatileqatigiiffiup Arctic Umiaq Linep akinullu maleruguassanik mississuinissaq isumalioqatigiissitap suliassarilermagit.
Isumalioqatigiissitaliap siulittaasua Chresten Sørensen aqagu Nuummut tikissaaq.
Kujataani silaannakkut imaatigullu ilaasunik angallassinermi Arctic Umiaq Line-lu pillugit isumalioqatigiissitap innersuussutaasa tunniunneqarnissaat neriuutigaarput, Assartuineq pillugu Isumalioqatigiissitap siulittaasua Chresten Sørensen aviisimi AG-mi taamatut issuarneqarpoq.