Nalunaarusiaq "Kalaallit Nunaannut Iluaqutissatut" AG-mi ilanngunneqartoq atuarneqarsinnaanngorpoq
Ilisimatuutut nalunaarusiaq "Kalaallit Nunaannut Iluaqutissatut" oqallisigineqaqisoq, ilaatigut professor Minik Rosingip suleqataaffigisaa, Nunatsinni tamanit atuarneqarsinnaanngorpoq.
Atuagagdliutini ullumi saqqummersuni nalunaarusiaq 32-nik quppernilik ilanngunneqarpoq, ilisimatuullu Nunatta siunissaatut isummiussaat aamma aatsitassarsiornermit milliardikkaanik isaatitsinissaq kisiat isiginiarnagu, Nunatsinni aningaasarsiornikkut aalaakkaasumik ingerlatsinissamut tunngavigineqarsinnaasut tassani misissuataarneqarsinnaallutik.
Isertitassatummi takorluukkat siunissamut ungasinnerusumut isiginerupput, Nunattalu aningaasarsiornikkut ineriartornissamini periarfissaasa oqallisigineqarnissaat nalunaarusiami oqallissaarutigineqarluni.
Nalunaarusiaq tamakkerlugu Atuagagdliutini ullumi ilanngunneqarpoq - kalaallisut 16-inik qupperneqarluni qallunaatullu 15-inik qupperneqarluni.
Inussutissarsiornermut aatsitassanullu Naalakkersuisup Jens Erik Kirkegaardip, nalunaarusiami inerniliunneqartunut arlalinnut isornartorsiuisimasup apersorneqarnera, Atuagagdliutini aamma ilanngunneqarpoq.
