Nalunaarusiaq isertuussaq paasiniaasartut misissorpaat

Peqquserluttoqarsimatillugu paasiniaasartut Danmarkimeersut sapaatip-akunnera kingulleq Nuummut tikipput suliassat itisilerlugit paasiniagassat paasiniariartorlugit.

Inatsisit unioqqutillugit aalisartoqarneranik nalunaarusiaq isertuunneqarsimasoq pillugu paasiniaaqqissaarnissaq pisariaqartinneqalermat politimesterip Anders Linnet-ip paasiniaasartunik ikiorserneqarnissaq kissaatiginartuutissimavaa.

Paasiniaajartortullu tassaapput; Vicekriminel kommisæri, kriminelassistenti kiisalu politiassersori

- Kalaallit Nunaanni aalisarnikkut attuumassuteqarsinnaasut, aalisarneq pillugu paasiniaanermi inuit arlallit apersorneqangaatsiarput. Ilaatigut inuit pisortatigoortumik oqartussaasuupput aalisarnikkulluunniit attuumassuteqartuullutik, taama oqarpoq politimesteriugallartoq Bjørn Bay.

Taanna erseqqissaavoq pisut aalajangersimasut itisiligassat pinerullugit Nuummiit politiit marluk paasiniaanermi suleqataasut.

Bjørn Bay aperaarput, inatsisit unioqqutillugit aalisartoqarneranik nalunaarusiap isertuunneqarsimasup misissoqqissaarnissaa sooq taama pingaaruteqartiginersoq.

- Peqquserluttoqarsimaneranik politiit pasitsaassigunik paasiniaaqqissaarnissaq pisussaaffigaat, uanilu peqquserluttoqarsimaneranik pasitsattoqarpoq, ilumut peqquserluttoqavissimaneranik inerneqanngitsumik, kisiannili inatsisinik unioqqutitsisoqarsimalluni. Taava taamaattoqarpat politiit paasiniaaneq aallartittussavaat, unalu suliaq inatsisinik unioqqutitsisoqarsimanerarlugu uagutsinnut tunniussaammat suliarisariaqarparput, Bjørn Bay oqarpoq.

Taanna erseqqissaavoq suliaq tamanna maanna piuminarsigitsik, kisiannili Danmarkimiit paasiniaajartortut uani sapaatip-akunnerani Danmarkimut uteqqikkallassasut januaarimilu nunatsinnukaqqissallutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat