Nalunaarusiaq ataatsimiititaliap sukumiisumik misissussavaa
Nalunaarusiaq ippassaq saqqummiunneqarmat, CIA timmisartuussisarsimanngitsoq paasinarsivoq. Aningaasanut Nunanullu Allanut Naalakkersuisoq Per Berthelsen ippassaq oqarpoq naalakkersuisut nassuiaat tusaatissatut tigugaat.
Taamaakkaluartoq Inatsisartut Nunanut Allanut Sillimaniarnermullu Ataatsimiititaliaata Per Berthelsen ataatsimeeqatigereerlugu nassuiaatip sukumiisumik ataatsimiissutiginissaa siunniuppaa.
Nassuiaat Ministeeriaqarfiit akornanni Danmarkimi, Kalaallit Nunaanni aamma Savalimmiuni CIA-mit timmisartuussisarnerit isertortut pillugit suleqatigiissitaliamit suliarineqartoq, taamaalilluni Ataatsimiititaliamit arfininngorpat okbobarip 25-anni sukumiinerusumik sammineqassaaq. Ataatsimiinnermi tassani suliamut atatillugu qanoq iliuuseqaqqinnissaq Ataatsimiititaliamit nalilersorneqassaaq.
Ataatsimeereernerup taassuma kingornatigut Ataatsimiititaliaq tusagassiuutinut nalunaaruteqaqqissasoq, Ataatsimiititaliami siulittaasup Inatsisartunut ilaasortap Knud Kristiansenip oqaatigaa.
