Nalunaarusiaq: Arnat piitsut akissarsiaqaratik sulisitaasarnerat milliardilikkaanik naleqarpoq

Nunarsuarmi assigiinngissuseq qaffasissorujussuarmik inissisimajuarsinnarpoq. Kattuffik naapertorlugu tamanna minnerunngitsumik piitsut - ingammik arnat - akissarsiaqaratik sulisitaasarnerannik pissuteqarpoq.
Nalunaarusiaq naapertorlugu milliardinik aningaasaatilippaaluit nunarsuarmi inuit milliardilikkaat aningaasaataasa amerlaqataannik aningaasaateqarput. Massa nunarsuarmi piitsuunerpaat – ingammik arnat – aniguisinnaajumallutik suleruluttut. Assi © : Scanpix
Allattoq Ritzau
januaarip 20-at 2020 10:11

Nunarsuarmi assigiinngissuseq suli qaffasissumik inissisimavoq. Ineriartortitsineq pillugu kattuffik Oxfam Ibis asigiinngissuseq pillugu ukiumut nalunaarusiaani taama naliliipput.

Assersuutigalugu pisoorsuit milliarderillu nalituunik annertuunik peqarput, akerlianili piitsut pingaartumik arnat ilungersorlutik inuuniarsaripput.

- Assigiinngissuseq ajuissumik inissisimavoq, pisoorsuit pisuujoreertut pisuunngoraluttuinnarput, nunarsiuup qanoq inissisimanera apeqqutaatinnagu, Oxfam Ibisimi generalsekretæri Kristian Weise oqarpoq.

- Akerlianili europami amerikallu avannaani inuppassuit ulluinnarni ilungersorlutik inuuniarsaripput, pingaartumik nunarsuarmi piitsoqarfinni inuit.

Kattuffik naapertorlugu inuit 2153-it millliarderit ima pisuutigipput katillugit 4,6 milliardit sinnerlugit aningaasaateqartarlutik.

Pisoorsuit amerlanerpaartaat akt iamik piginneqataanermikkut kingornussinermikkullu pisoorsuanngortartut kattuffik allappoq, taakkummi sulisartunit naliginnaasumit akileraarutaat annikinnerupput.

Oxfam Ibis naapertorlugu arnat amerlasuut akissarsiqaratik sulisitaasarput. Nunarsuarmi arnat katillugit 12 milliardit missaanniittut tiimimut akissarsiaqartinneqaratik nerisassiorlutik, meeqqanik paarsillutik peqqinnissaqarfinnilu ikiortaasarput.