Nalunaarusiaq alla tutsuiginngilaat

Raajarniartoqarnera pillugu Aalisarnermut Pisortaqarfiup nalunaarusiaa nutaaq, kattuffiit qularnartoqartippaat.

Aalisagartassat sinnerlugit aalisartoqarnera pillugu Aalisarnermut Pisortaqarfiup nalunaarusiaani nutaami ilaatigut nalilerneqarpoq 76 procentimik allaat kukkuluttortoqartartoq.

Tamanna pillugu APK-p pisortaa Peder Munk Pedersen ima oqarpoq:

”Tutsuiginartinngilara, tallimanngormammi ualikkut aatsaat tiguara.

Nalunaarusiap tigunerata kingorna ilaasortagut attavigaagut apersorlugillu allassimasut ilisarisinnaaneraat.

Pingaaruteqarluinnartorlu unaavoq;

Pineqartoq tassaammat, misissuilluni nalunaarsuineq pineqarmat.

Ilaasortagullu inatsisit malilluinnarlugit sulipput, peqquserlunngilluinnarpummi!” Peder Munk Pedersen oqarpoq.

Nalunaarusiami siullermitulli, tassa “Unioqqutitsilluni aalisartoqarneranik unnerluussu”-mmitulli APK Royal Greenlandiluunniit paasiniaavigineqarsimanngillat.

Royal Greenlandillu pisortaa Henrik Leth aamma assingusumik oqarpoq:

-Misissuisoqarnerani peqataarusussimagaluarpugut, paatsuuinerillu taamaalillugit pinngitsoortinneqarsimassagaluarput, Henrik Leth oqarpoq, nangipporlu:

-Malittarisassat malillugit tunisassiorpugut, taakkulu malittarisassat Royal Greenlandip pilersitarinngilai. Pisortaqarfik isumaqaruni malittarisassat ajortut, taava allanngortinniarlitigit, Royal Greenlandip pisortaa Henrik Leth oqarpoq.

Taamatuttaaq KNAPK-p siulittaasua Peter Olsen ima oqarpoq:

“Nalunngilara aalisartut peqqussutit malillugit aalisartut, taanna erseqqissaatigineqartariaqarpoq.

Nalunaarusiami oqaatsit sakkortuut soorlu: aalisapiluttoqarneraanera sakkortuallaaqaaq, Peter Olsen oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat