Nalunaarusiaq akuerineqarsinnaasorinngilaa!

Nunatsinni suliffissuit annersaata Royal Greenlandip Inatsisit uniorlugit raajarniarnermi peqquserluttoqarneranik nalunaarusiaq akuerinngilluinnarpaa.

Inatsisit unioqqutillugit aalisarnermi peqquserluttoqarnera pissutaalluni nunatsinni aningaasat ukiumut 150 millionit annaasaqaataasartut nalunaarusiap Namminersorneq pillugu pisortaqarfiup aalisartut suleqatigalugit allataani tikkuartorneqarpoq.

Tamannali Royal Greenlandip pisortaata Henrik Lethip assortorluinnarpaa.

- Oqartariaqarpunga aatsaat taama kusanaatsuliamik angitigisumik takullunga. Tupinnarluinnarpoq, atorfilittat aalisartut aterminnik taasiumanngitsut peqatigalugit Aalisarnermi peqquserluttoqarnerarlugu allassimammata, Royal Greenlandip pisortaa Henrik Leth oqarpoq.

Taassuma isoreqaa, inuit aterminnik isertuussisut atorlugit nalunaarusiaq ilusilersorneqarsimammat.

- Nalunaarusiami aterminnik taasiumanatik oqaaseqartinneqartut sunaluunniit pineqarnersoq nalullugu oqaaseqartinneqartarsimapput, Henrik Leth oqarpoq.

Taanna aamma qalleqqissaalluni tupigusulluinnarpoq, taama ajortigisumik atorfilittatut sulisoqarsinnaammat.

- Atorfilittat taakku unnerluussaminnik tusarniaasimanngivipput, tassami nalunaarusiaq ima qulequtserneqarsimavoq :” Inatsisinik unioqqutitsilluni aalisartoqarneranik unnerluussut”. Inuiaqatigiinni sumiluunniit inatsisit malillugit inuuffiusuni unnerluussiniaraanni unnerluutigisat aamma pinngitsooratik tusarniarneqartussaapput, Henrik Leth oqarpoq.

Nangipporlu:

- Nalunaarusiaq una allanneqarsimavoq unnerluutigisat tusarniaqqaannguarnagit tusatsiakkat maliinnarlugit suliarineqarsimavoq, aningaasanullu aqutsinermut tunngasut piviusorsiunngivissut ilanngunneqarsimapput, tamanna paasisinnaanngilluinnarpara, Henrik Leth oqarpoq.

Nalunaarusiaq KNR-p nittartagaani takuneqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat