Nalunaarsuiffik nutaaq Peqqinnissaqarfimmi atorneqalissaaq

Napparsimasunik nalunaarsuiffik nutaarluinnaq digitaliusoq Nunatsinni atorneqalertussanngorpoq. Nalunaarsuiffiup Cosmicimik ateqartup atulerneratigut, Nunarput - peqqinnissaqarfimmi aaqqissuussineq immikkuullarissoq pissutigalugu - nunarsuarmi nunat nalunaarsuiffinnik pappiaqqatigoortunik atuinnaartut siulliit ilagissavaat.
Allattoq Peter Troelsen, Simon Uldum
juulip 11-at 2013 09:10

Nalunaarsuiffimmik pilersitsisup Sverigemeersup Cambiop napparsimasunik nalunaarsuiffik nutaaq atuutilersissavaa. Nakorsiartarfiup atortorissaarutaanut atasumik ingerlanneqassaaq, tamarmillu toqqorsivittut digitaliusut ingerlanneqassalluni.

- Suliniut immikkuullarissuuvoq, napparsimasummi pillugit paasissutissat ataatsimut katersorneqarnerat taamatullu peqqinnissaqarfimmit tamarmit pissarsiarineqarsinnaalernissaat peqqinnissaqarfimmut tamarmut ilaqutaalluassaaq. Danmarkimi Nunatsinnilu kinaassusiliinissamut aaqqissuussinerput immikkuullarissuuvoq, tassanilu paasissutissat suulluunniit inuttut normu atorlugu atassusersorneqarsinnaallutik. Nunat ikitsuinnaat taamatut immikkuullarissumik periarfissaqarput, Vibeke Lund, peqqinnissamut naalakkersuisoqarfimmi suliniutinik aqutsisoq oqarpoq.

Inuttut normunik aaqqissuussineq aamma Kalaallit Nunaannut immikkut ittumik iluaqutissartaqarpoq. Danmarkimimi peqqinnissaqarfimmi napparsimasunik nalunaarsuiffiit assigiinngitsut qulinik sinneqarput.

Allannguinerit siulliit Nuummi ukiup affaata missaa qaangiuppat ingerlanneqassapput. Aaqqissuussinerullu nuna tamakkerlugu ukiut marluk qaangiuppata piareersimanissaa naatsorsuutigineqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk