Nalunaarasuartaaserineq pillugu kinguartitsineq demokraatit ajuusaarutigigaat

Nunatsinni nalunaarasuartaaserineq pillugu inatsisiliornissap kinguartinneqarnissaanik naalakkersuisut kinguartitsinerat demokraatit ajuusaarutigaat.

- Inatsisiliornikkut nunatsinni nalunaarasuartarnerup ammanerusumik ingerlalernissaa suli sukumiinerusumik ammalerulersinneqartussaa-galuarpoq, tamannalu ilutigalugu innuttaasut telemi nioqqutissanik nutaanik ullutsinnullu naleqqunnerusunik atortoqalernissaat periarfissittussaagaluarlugu, demokraatit tusagassiuutitigut nalunaaruteqarlutik taama allapput.

Naalakkersuisut kinguartitsinerminnut tunngavilersuutaat demokraatit upperivallaanngilaat – tassalu Hans Enoksenip naalakkersuisoqarfimmi pineqartumi suliassanut pulaniarnissaminut piffissaqarnerusariaqarneranik oqariartuut.

- Hans Enoksenip siusinnerusukkulli nalunaarutigereerpaa pisortaqarfiit pingasut ajornaquteqanngitsumik aqussinnaallugit. Maannali pisup takutippaa taamaaliornissani saperaa, demokraatit sinnerlugit inatsisartunut ilaasortaq Per Skaaning allappoq.

Per Skaaningip partii naalakkersuisooqataasoq IA kajumissaarpaa naalakkersuinerpalaassutsi takuteqqullugu, taamalu nalunaarasuartaateqarneq pillugu inatsisissap kinguartinneqannginnissaa qulakkeerlugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat