Nalunaaquttap akunnerini 48-ni saassussisoqassanngilaq

juulip 31-at 2006 07:57

Israelimiut timmisartuisa Syriap killeqarfianut qanittumi, Libanonip kangisissortaani, aalajangersimaqqissaartumik eqqorniagaqarlutik ullaaq manna qaartartumeerineqarnerat Israelip ilumuunnginnerarpaa.

Israelimiut timmisartuisa Libanonip Syriallu akornanni killeqarfimmi aqquserngit ikinnerpaamik marloriarlutik qaartartumeerfigisimagaat nutaarsiassaqartitsiviup Reutersip tusarfinnik tutsuiginartunik issuaalluni tusarliuteqqammiinnaraalu, Israelimit tamanna miserratigineqarpoq.

Libanonip kujasissuani juutit naalagaaffiannut, sorsuffioqisumut, ikiuutissat anngunniassamata, tamanna nalunaaquttap akunnerini 48-ni silaannarmit saassunneqassanngitsoq Israelip ippassaq unnukkut nalunaarutigigaluarpaa.