Nalorniartoqaraluaqisoq isumalluarnarpoq
Takornariaqarnikkut Nunat Avannarliit Killiit Københavnimi ulluni marlunni nittarsaassinerat maanna naammassivoq.
Takornariartitsivinnik pisisussat tunisisussallu isumaqatigiissuteqarniarnerat taamaalilluni naammassivoq.
Takornariaqarnermi Inuussutissarsiornermilu Siunnersuisoqatigiinni siunnersorti Mads Skifte oqarpoq, ippassaq ullumikkullu oqaloqatigisatik assut iluarlutillu nuannersimasut. Islandimi siorna Travel Marteqarnerani naapitani arlallit maanna naapeqqissimavai, Kalallit Nunaannullu soqutiginninnertik suli aalajangiusimagaat oqarpoq, Kalaallit Nunaannukarusuttullu, tamannalu paasillugu nuannersoq unnerpaa.
Arctic Umiaq Line eqqarsaatigissagaanni - sinerissami imaatigut angallannermut tunngatillugu qanoq eqqarsaateqarnersut Mad Skifte aperigatsigu oqarpoq, tamanna oqaluuserissallugu erloqinalaarsimasoq, oqarfisinnaasimannginnamikkik ingerlaqqissanersoq. Taamaakkaluartoq oqaloqatigineqartut Kalaallit Nunaannukarnissartik soqutigaat pimoorullugulu ingerlanniarlugu.
