Nalliuttorsiorpalaartumik Nanook saqqummersitsivoq

Ballonit puussiaaqqallu mamakujuttunik imallit Nuuk Centerimi arfininngornermi meeqqanut agguaanneqarput tassanilu aamma scene-mik sanasoqarsimalluni.

Meerarpaluttumik eqqarsartaasillit aamma illartinneqarput Hinnarik scenemi quiasaaralunilu erinarsuataarmat.

Pisoq sulinitiutip ’Nilliasa’p ilagiinnarpaa. Tassani anguniarneqarpoq persutaasarnermit meeqqat eqqugaasarnerisa misissuiffineqarnissaa akiorneqarnissaalu. Erinarsuutip taallai paasititsiniutitut suliaapput tassani meeqqat persutaasarnermut illersorniarneqarmata.

Qatanngutigiit Frederik aamma Christian Elsner Nanook-meersut scenemut qaqipput Nanookkunni atortakkatik arlallit atorlugit. Tamatuma kingorna erinarsuut nutaaq ’Nilliasa’ siullerpaamik tusarnaartunut atorpaat.

Cdip tunineranit isertitat tamarmik suliniummut ’Nilliasa’-mut atorneqassapput. Taassuma saniatigut Nuna Fonden 75.000 koruuninik tapiissuteqarpoq.