Nalliuttorsiorneq meeqqat malunnartippaat

Meeqqat assammik arsarlutik Maniitsumi unammisaqattaarneranni finalet sisamat ingerlanneqarmata Nuummiut pingasoriarlutik ajugaapput.

Unammersuarnermi tassani Kâgssagssuup ukiunik 75-inngortorsiornera malunnartinniarneqarpoq tassanilu peqataasut Ilulissaniit, Sisimiuniit, Maniitsumiit, Nuummiit Paamiuniillu aggerput.

Inissinniunnerillu ingerlanneqarmata Maniitsup timersortarfia nippassimaalaavippoq.

Puslinge-ni finalemi nukappiaqqani unammipput GSS Nuummeersoq aamma Kâgssagssuk Manitsumeersoq tassanilua GSS 13-7-imik ajugaavoq.

Puslinge-ni niviarsiaqqani finalemi unammipput NÛK aamma Kâgssagssuk, tassanilu NÛK 14-5-imik ajugaavoq.

Lilleput-it aamma sapaammi ajugaasussarsipput. Niviarsiaqqani finalemi unammipput NÛK aamma SAK tassanilu NÛK 5-1-imik ajugaavoq.

Lilleput-ini nukappiaqqani finalemi unammipput S-68 Sisimiuniit aamma GSS, tassanilu Sisimiormiut16-8-mik ajugaapput

Aajuku sapaammi angusat:
GSS – Kâgssagssuk 8-7 Lilleputpiger bronze-nanniuttut
NÛK – Kâgssagssuk 11-3 Lilleputdrenge bronze-nanniuttut
SAK – GSS 11-9 Puslingepiger bronze-nanniuttut
Nagdlúnguak – S-68 14-6 bronze-nanniuttut

NÛK – SAK 5-1 lilleputpige finale
S-68 – GSS 16-8 lilleputdrenge finale
NÛK – Kâgssagssuk 14-5 puslingepige finale
GSS – Kâgssagssuk 13-7 puslingedrenge finale