Nalimmassaarinermi allannguutissat uatseerunneqaraluartut Asii sipaarniarpoq

- Tamannatuaavoq akisussaassusilimmik iliuuseqarneq, borgmesteri oqarpoq.

Aamma atuaruk Kommuni Kujalleq 15 million koruunit naliginik sipaaruteqartariaqalerpoq

Naligiissaarinissap kinguartinneqarneranik ippassaq nalunaaruteqartoqarnerata kinguneranik, Kommuneqarfik Sermersuumi sipaarniarnerujussuit pinngitsoortinneqarnissaat neriuutigineqaleraluarpoq. 

Naak Nuummi kommunip allaffeqarfiani sipaarniutissat taamaatiinnarneqarusukkaluartut, tamanna ajornaqaaq. 

- 54 millionit koruuninik ilanngaasoqarnissaa tunngavigalugu missingersuusiortariaqarpugut. Tassatuaavoq akisussaassusilimmik iliuuseqarneq. Piumasaqaat upernaaru tusarliunneqassappat, uagullu piareersimaffiginngikkutsigu kommune ajornartorsiorujussualersinnaavoq, Asii Chemnitz Narup oqarpoq. 

Aamma atuaruk Ole Dorph: Qaasuitsup Kommunia sulisunik soraarsitsiortoqqissinnaavoq

Inatsisartunut qinersisoqarneratigut kommuninit allanit piumasaqaatit allanngortinneqarnavianngitsut, borgmesterip tikkuarpaa, taamaattumillu aningaasatigut sukannersumik ingerlatsinerup allanngortinnginnerani piffissaq takoqqaarniarpaa. 

- Naalakkersuisunngortussat Kommuneqarfik Sermersuumut inussiarnisaarnerussappata, taamanikkussamut aningaasatigut politikerput isumaliutigiumaarparput, Asii Chemnitz Narup oqarpoq.

Aamma atuaruk Naligiissaarigallarnissamik aaqqissuussineq taamaatiinnarneqarallarpoq