Naliliineq: Grønlandsbanken ajutooratarsinnaavoq

Aningaaserivik Grønlandsbanken Naalagaaffeqatigiinni aningaaseriviit uloriarnartorsiortut 27-it akornanni ulorinartorsiorsinnaasunut ilaavoq.
Allattoq Jaaku Lyberth
aggustip 25-at 2010 08:04

Aningaaserivinnik nakkutilliisoqarfik aningaaseriviit ingerlatsinerminni killiliussanik tallimanik eqqumaffigisassaannik aalajangersakkat, tilsynsdiamant-imik taasat, malillugit Grønlandsbankenip taakkunannga ataaseq qaangersimavaa.

Nalilersuineq nutaarsiassaqartitsiviup Bankinfo-p arlaannaannulluunniit attuumassuteqannngitsumik aningaaserivinnik naliliisartoq Bjarne Jensen BJ Consult suleqatigalugu ingerlataraa.

Aningaaserivinnik Nakkutilliisoqarfiup killiliussaasa ilagaat, aningaaseriviup sulianut angisuunut atukkiussai annerpaamik aningaseriviup nammineq aningaasaatai tunngaviusut angeqqatigisassammatigit, 100 procentimik. Naliliinerli naapertorlugu Grønlandsbankenip sulianut angisuunut siorna atukkiussai katillutik 150 procentiupput.

Killiliussat aapparaa aningaaserivup atukkiussaasa tamakkiisut annerpaamik 25 procentiisa illuliortitertunut atukkiunneqarsinnaanerat. Killiliussarlu taanna Grønlandsbankenip procentinik marlussunnik qaangersimavaa.

Siornatigut Sparbankip Kalaallit Nunaanni immikkoortortaqarfia ukioq BankNordik-imit pigineqalersoq aniningaaseriviit ulorianartorsiortut akornanniinngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq