Nalilersuinissamik pilersaarutinut tapersiivoq

Aqutsinermut Ilisimatusarfimmi ilinniarnerup nunani allanisulli pitsaatiginnginneranik oqaaseqarnerit iternga tikillugu paasisariaqarput, oqarpoq.

Aqutsinermut Ilisimatusarfimmi ilinniarnerup qaffasissusissaa, ilisimatusaatit suuneri suullu ilinniarnerup ingerlanerani pinngitsooratik ilinniagassaanersut qulaajarneqartariaqarnerarpai.

Pia Vedel Ankersenip Ilisimatusarfiup rektoria, maanna aamma Aqutsinermut Ilisimatusarfimmi aqutsisuusoq Tine Pars, nalilersuiuarnissamik pilersaarutigiligai pillugit nersualaarpaa.

- Ilinniartut killiffii, ilisimatusaatit nalilersorneri aamma ilinniarnerup nalaani atuagassat suuneri kiisalu ilinniartitseriaaseq eqqartorneqarnerusariaqarput. Nalilersuinerit misissuinerillu naammasseriarpata siunissami ilinniarnerup qanoq ingerlanissaa aatsaat piareersarneqarsinnaalissaaq, Pia Vedel Ankersen oqarpoq.

Erseqqissaatigaa nammineq isummani malillugu Aqutsinermut Ilisimatusarfimmi ilinniarnerup qaffasissusaa ilinniartitseriaaserlu amigarigamigit.

- Ilinniartut pisuussutiginngilaat. Ilisimatusarfiumuna aaqqissuussaanera ajornartorsiutaasoq, naggasiivoq.