Naligiissitaanissamut ataatsimiititaliap nuunnissaa uggorineqarpoq

Aqagu ulloq novembarip 25-at FN-p nunarsuaq tamakkerlugu arnat persuttagaasarnerat pillugu ullorititaraat, sinerissamilu pisussat, oqalugiartitsinerit oqallitsitsinerillu nuannaarutigigaluarlugit Naligiissitaanissamut Siunnersuisoqatigiinni suliap Naalakkersuisoqarfimmut allamut nuunnissaanik Namminersornerullutik Oqartussat oqarnerat paasiuminaatsillugu, siunnersuisoqatigiinni siulittaasuusimasoq Agathe Fontain oqarpoq.

-Naligiissitaanissamut siunnersuisooqatigiit Ilaqutariinnermut pisortaqarfimmut nuutiinnarniarnerat akuersaarneqarsinnaanngilaq, oqarpoq.

Naalakkersuisut nalunaarutigaat Peqqinnissamut Ilaqutariinnermullu pisortaqarfiit kaattunniarneqartut.

- Suliassarpassuit akornanni Naligiisitaanissamut siunnersuisooqatigiit morsutiinnassasut ilimagisariaqartoq, Agathe Fontain aamma inatsisartuni Sisimiunilu kommunalbestyrelsemi ilaasortaasoq oqarpoq.

Taamaammat aamma Naalakkersuisut Naligiissitaanissamut siunnersuisooqatigiinnut 400.000 koruuninik ikinnerusunik aningaasaliisalernerat Inatsisartuni Siumut Atassutillu akuersaarmassuk paasiuminaalluinnarnerarpaa.

8.marts Gruppen-mik imminnut taasut Nuummi oqallugiartitsiniarnerat qamannga pisumik qutsatigisariaqartoq, Agathe Fontain oqarpoq.

Qimarnguiit Kattuffiata naneruutinik ikitsinikkut angerlarsimaffinni tamani malunnartitsiniaanerat aamma tapersersugassaanerarlugu. Qanortoq angerlasimaffinni oqallinnermik kinguneqarili.

Angerlarsimaffinni annersaasarneq annertoqaaq, qularinngilara tamanna politiit atsioqataaffigissagaluaraat. Meeqqat isigitinneqartartut amerlaqaat, kingunipiloqarneralu annertusaqaluni. Tamanna Qimarnguiit ukiumoortumik nalunaarusiortagaanni ersarilluinnarpoq.

Siusinnerusukkut Naligiisitaanissamut siunnersuisooqatigiit sulinerminni manna pineqartoq annertuumik iliuuseqarfigisarpaat, siunissamullu suliniarnerminni suli ilaatillugu. 8.marts Gruppe-p Naligiissitaanissamullu siunnersuisooqatigiit uani suleqatigiilluarsimassagaluarput, nukiit katersorlugit, sunniuteqarlutillu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat