Naligiissitaanerup siulersuisuni eqqunneqarnissaa ujartorpaat
- Arnat angutillu siulersuisuni amerlaqatuigiinnerusumik inissisimalernissaannit isuma tapersersorpara, Julie Pars oqarpoq.
Julie Pars Air Greenlandip siulersuisuini 2007-imi ilaasortanngornermini siulittaasutut inissippoq. Taamani siulittaasunngortinneqarnermini arnaanini pillugu tooqagaasimanani, piginnaanninili tunngavigalugit siulersuisuni toqqagaasimalluni.
Nunatsinni arnat siulersuisuni ilaasortanngortartut amerlanngillat.
Arnat siulersuisuni ilaasortat ilaat Aviâja Lyberth Lennert INI A/S-ip siulersuisuni ilaasortaasoq arnatut siulersuisuni ilaasortaanermini angutinit allaanerusumik inissisimasutut misigisimasarani oqaluttuarpoq.
- Siulersuisuni ilaasortaqatittuulli pisussaaffeqarpunga, misigisimanngisaannarpungali arnaanera pillugu allaanerullunga aallaanerusumillu pineqarlunga.
Aviâja Lyberth Lennert Julie Parsitulli isumaqarpoq arnaanini pillugu siulersuisunut toqqarneqarsimanani, isumaqarlunilu piginnaasani isiginiarneqarsimasut.
Grønlandsbankemi siulersuisuni qulingiluaasunit arnat pingasuupput. Arnani siulersuisuni ilaasortat ilaat Helle Mark isumaqarpoq suiaassuseq aallaavigivallaarnagu siulersuisuni ilaasortanngortussat piginnaasaat annerusumik isiginiarnerusariaqartut. Taamaakkaluartorli siulersuisoqarnermi isumaqarpoq arnat angutillu naligiinnerusumik inissimanissaat pingaaruteqartoq.
