Naligiissitaanermut inatsit unioqqutinneqarpoq
KNI-ip siulersuisui nutaat toqqarneqarnerisa kingorna arnat angutillu naligiissitaanissaannut naalakkersuisut inatsisiliaat unioqqutinneqarpoq, taamatut oqarpoq naligiissitaanermut siunnersuisoqatigiit oqaaseqartartuat Josef Therkildsen.
KNI-p siulersuisui nutaat ataasinngormat toqqarneqartut angutit arfineq marluupput arnallu marluk.
Taarserneqarneranni arnat marluk angutinit qallunaanit marlunnik taarserneqarput.
Nalligiissitaanermut Siunnersuisoqatigiiffik Namminersornerullutik oqartussat ataatsimiititalianut allaffeqarfianut saaffiginniniarpoq KNI-ip siulersuisuinik qinersinermini naligiissitaanissamut inatsit inatsisartut inatsisiliaat toqqammavigalugu toqqaasoqarsimannginnera pillugu.
Naligiissitaanermut siunnersuisoqatigiit saaffiginnissutaat iluatsissanngippat Josef Therkildsen-ip paasisinnaanngilaa inatsisartut inatsisiliartik sumut atorniarneraat.