Naleraq Oqalliffimmi
Partii anguniakkamisut pissaanermik tigusissappat, aalisartut, piniartut, sulisartut, namminersortut pissakinnerusullu tamarmik pitsaanerusunik atugassaqartitaassapput.
"KNR-imi Oqalliffimmi", ullumi aallakaatinneqartussami, takorluukkat tamakkua Sakiiusimut Biiniamiimullu qanoq piviusunngortinneqassanersut apeqqutigineqassapput.
Aamma siornatigut naalakkersuisut siulittaasorisimasaata, Hans Enoksenip, Siumukkormiuusimasullu Siumumit anisimasut anguniagaat, politikkimi nutaaliornerunersut aamma apeqqutigineqassapput. Imaluunniit politikki qinersisartut 2009-mi qinersinermi pillaanerisigut ajorsarnermik kinguneqartoq ingerlateqqinniarneqarpa?
Stina Skifte aamma Walter Turnowsky oqallitsitsisoralugit Partii Naleqqap siulittaasua, Hans Enoksen, aamma siulittaasup tullia, Per Rosing-Petersen, apeqqarissaarfigineqalerpata annerusumik paasisaqarit.
Oqallinneq KNR Radiukkut ullaap-tungaani nalunaaqutaq qulinut toqqaannartumik aallakaatinneqassaaq, TV-kkullu unnugu nalunaaqutaq arfineq-pingasut qeqqanut aallakaatinneqassalluni