Nal. tallimanut: 2005-imut naleqqiullugit ikinerit qinersiartorput

Illoqarfinni annerni sisamani, tassalu Qaqortumi, Nuummi, Sisimiuni Ilulissanilu qinersivinnut nalunaaqutaq 17.00 Radioavisip pasiniaanerata takutippaa, qinerisartortut 2005-imut naleqqiullugu ikinnerusut.
Allattoq Jens Thorin
juunip 02-at 2009 15:40

Sisimiuni qinersinermi aqutsisup nalunaarutigaa, qinersisartunit 3.851-init nalunaaqutaq tallimanut 1.984-it qinersisimasut. Tassa qinersisinnaasut 51,5 procentii taasiartorsimapput, taakkualu 2005-imut naleqqiullugit 8.9 procentimik ikinnerupput.

Nuummi inuit 11.499-it qinersisinnaapput, tallimanullu 5.471-it, tassalu qinersisartut 47,58 procentii qinersiartoreersimapput. Taakkuali 2005-imi qinersinermit 7,68 procentimik ikinnerupput, taamani nalunaaqutaq tallimanngortoq qinersisartortunit.

Ilulissani 3.227-it qinersisinnaasunit nalunaaqutaq tallimanut 1.791-it qinersisimapput. Tassalu qinersisartut 55,5 procentii qinersereerput, kisiannili taakkua 2005-imut naleqqiullutik 6 procentimik ikinnerupput.

Qaqortumili ukioq manna qinersiartutut tallimanut amerlassusaat 2005-imisut amerlatigingajapput. Nalunaaqutaq tallimanut 2.424-it qinersereerput, tassalu qinersisinnaasut 3.227-iummata 59 procentii taasereerput. 2005-imi piffissami tassani qinersisartut 60 procentit qinersereertut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq