Nakuusertarneq pillugu ataatsimiittoqassaaq
- Nakuusertarneq Kalaallit Nunaanni inuiaqatigiinni annertuumik ajornartorsiutaavoq, tamannalu ilaatigut meeqqat atugaannut inuunerannullu innarliisumik sunniuteqartarluni, Isumaginninnermut naalakkersuisoqarfik nalunaarpoq.
Ataatsimiinnissaq qulequtaqarpoq "Nakuusertarneq aaqqiissutaanngilaq".
Nakuusertarnerup suunera kingunerisartagaalu pillugit paasinninnerunissaq ataatsimiinnermi pingaarnertut siunertarineqarpoq.
Kalaallit Nunaanni qimarngueqarneq ataatsimiinnermi immikkut sammineqassaaq.
- Politikkikkut kissaataavoq qimarngueqarnerup ineriartortinneqarnissaa, ilaatigut atorfiit akimorlugit suleqatigiinnerup nukittorsaavigineratigut. Taamaalilluni ataatsimeersuarneq aamma pisariaqartitsisoqarneranut ersersitsisooqataassaaq, allanillu attaveqateqalernissamut aamma periarfissiueqataalluni, naalakkersuisoqarfik ilisimatitsivoq.