Nakuuserneq pillugu ataatsimiinneq

septembarip 30-at 2004 14:36

Nakuusertarnerup killilersimaarneqarnissaanik iliuusissanik Nuup kommuneata ujartuilluni ippassaq unnukkut ataatsimiititsineq inunnit 200-t missaanniittunit peqataaffigineqarpoq.

Ataatsimiinnerup ammarneranut atatillugu borgmester Agnethe Davidsen ilaatigut oqarpoq kikkut tamarmik takkuanni aalakkattarneq, ikiaroornartunik tuniniaasarneq nakuusertarnerillu unitsittariaqartut kikkullu tamarmik pisussaaffigigaat oqalliseqataanissaq.

Ataatsimiinnermi eqimattakkuutaarluni oqalitsitsinermi periafissat assigiinngitsut taagorneqarput.

Assersuutigalugu unnuarissanik siornatigut atuisimaneq aallareqqiitariaqartut isumaqarfgineqarpoq, tassani inuit piumassutsiminnik illoqarfimmi pigaartuusarnerat inuusuttuaqqanik nakkutiginnittutut, aamma inuit imigassartaqanngitsumik inuusuttortat ilagalugit katersimaanerusalernissaat ujartorneqartut ilagaat.

Ataatsimiinnermik aaqqissuisut pissarsiatik pingaarnersiorlugit katersussavaat suliniutissat suuneri erseqqinneruleqqullugit.