Nakuuserneq nipaatsumik ikioqquneruvoq
Inuttut naleqanngitsutut misigisimaneq aallaaviuvoq soriarsinnaanngitsutut misiginermi nakuusertarneq, nunatsinni angutinut oqaloqatiginnittarfilioqqaartoq, Peter Larsen oqarpoq.
Angutit amerlanersaat nuannaanngitsutut qamuunalu nakkaqqasutut erloqillutillu nikallungasarput, ikiortissaaleqisutut kiserliortutullu misigisimasarput. Taamaammat Peter Larsenip inuiaqatigiinni iliuusissanik pilersaarusiortoqartariaqarsoraa. Assersuutissaqqissutut isigaa Nunani avannarlerni millionerpassuit atorlugit nakuusertarnermik akiuiniartoqartarnera. Inuiaqatigiimmi qanoq iliussagamik?
Angutit oqaloqatiginnittarfianni imminut ikiuutigaluni ikiuisoqarsinnaavoq, oqaasinngortitsisarnerit aqqutigalugit ataasiakkaatut sakkussanik pissarsiornikkut aqqutissat aaqqiissutaasinnaasoraa.
Angutit inuiaqatigiinni inooqataallualernissaminnut inuttut naleqassusertik piorsarsinnaavaat taamaasillutillu angutitut ingerlalluartutut inuiqatigiinni pisussaaqataasutut inooqataalerlutik. Peter Larsen oqarpoq.