Nakuusa Unicef Danmarkilu meeqqat iliuseqarfiginialerpai

Meeqqat atugarisaat iliuuseqarfiginiarlugit Unicef Danmark, meeqqanut suliniuteqartuusoq, Nakuusalu ukiut arfineq-marluk matuma siorna suleqatigiilerput.
Allattoq Aviâja Kilime
marsip 03-at 2017 16:04

Kisitsisit innuttaasunik misissuisitsinermi  takutippaat, Nunatsinni meeqqat pingasuugaangata, ataaseq kinguaassiuutitigut atornerlunneqartarpoq. Taamaammat 

Unicefimiit Nakuusap unnummut aningaasanik katersuiniarneranut peqataanissaq pingaartippaat. 

-Nunarsuarmi meqqaat, niviarsiaqqat eqqarsaatigalugit, quliugaangata ataaseq 20-inik ukioqalertigani kinguaasiuutitigut atornerlunneqartarpoq. Kalaallit Nunaanni meeqqat pingasuugaangata ataaseq atornerlunneqarsimasarpoq. Tassa imaappoq Kalaallit Nunaanni meeqqat kinguaasiutitigut atornerlunneqartut nunarsuarmi kisitsisinut sanilliullugit, pingasoriaataanik akulikinneruvoq, Unicef Danmarkimi General sekretæri, Steen M. Andersen KNR-imut oqarpoq.

Ilanngutassiaq tamakkiisoq unnummut nalunaaqutaq 19.00 Qanorooq-mi takusinnaavat. 

  

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq