Nakuusa atuakkanik juullisiutinik meeqqerivinnut tamanut agguaassisoq
Meeqqat Pisinnaatitaaffii pillugit suliniaqatigiiffiup Nakuusap naliginnaasumik suliaraa Meeqqat Pisinnaatitaaffii pillugit paasititsiniaaneq, meeqqat meeqqerivinniittut atuakkanik marlunnik tunissutisissapput qulequtaqartunik "Miilu Nissilu ilagalugit juulli toqqissisimanartoq".
Atuakkani inuttaapput Miilu ikinngutaalu ersinngitsoq Nissi piginnaatitaaffilerisoq, taakku meeqqat inersimasullu KNR-ikkut tusaqqusaarutinit ilisimareersinnaavaat.
Perorsaasutut meeqqerivinni sulisutut ilaatigut Meeqqat pisinnaatitaaffii sulinermi ilaatissallugit unamminarsinnaasarpoq. Nakuusap siunersuutigivaa Meeqqat Pisinnaatitaaffii meeqqanut isiginnittaatsitut atoqqullugit, taakku tamarmik imarisaat meeraalluarnissamik siunertaqarmata, Najaaraq Møller Nakuusami suliniummik aqutsisoq nassuiaavoq nangillunilu:
- Meeqqat Pisinnaatitaaffii tamatta meeqqanut meeqqat inuunerinik nuannersunik nuanninngittunillu oqaloqatiginnissinnaanissatsinnik sinaakkutassanik tunivaatigut. Ilaatigut oqaloqatigiissutigissallugit nalorninarsinnaasut tamaasa ilanngullugit.
