Nalunaarsuisoqanngikkaangat taamaalillunilu siunissami kukkoqqinnginnisaq qulakkiinnngikkaanni, napparsimasut isumannarnerulersinnaasut, nakorsat peqatigiiffiannit isumaqarput.Assi: Simon Uldum

Nakorsat: Ulapaarneq napparsimasut isumannaassusaannut sunniuteqarsinnaavoq

Nakorsat napparsimmaveqarfinni kukkuluttornerit nalunaarsornissaannut piffissaqartoqannginneraanerannut suleqataat isumaqataapput.

Peqqinnissaq pillugu kattuffik napparsimmavimmi isumannaanneq pillugu siulliullutik ernumapput.  

Peqqinnissaq pillugu kattuffik peqqissaasut ernisussiortullu ilaatigut peqatigiiffigaat. Kattuffik peqqissaanermi kukkuluttornerit nalunaarutiginissaat piffissaqarfigineqanngitsoq isumaqarpoq. Nakorsat peqatigiiffiat maanna aamma taama ernumassuteqarnerarpoq.

Nakorsalli peqatigiiffiata sulisut siunertaqanngitsumik nalunaarsueqquneqanngitsut tusarsimanngilaa.

AAMMA ATUARUK Peqqinnissaq pillugu kattuffiup peqqinnissaqarfinni kukkuluttortoqarnerulernissaa ernumatigigaa

- Sulinermi ulapittarmata piffissaqarfigineq ajoraat, puigortaraat nukinginnarnerusunilluunniit suliassaqartarmat naammassipallaannartaraat takorloorsinnaavara. Kisianni siunertarineqanngitsumik kukkusoqarsimatillugu nalunaarsuisannginnissamik suleqatiminnut oqartoqartassappat ernumanartupilussuusoq isumaqarpunga, Nakorsat Peqatigiiffianni siulittaasoq, Hans Christian Florian Sørensen oqarpoq.

- Kukkuluttornermilli pisoqarneranik suleqatiminnut nalunaarsueqqusisoqartanngippat tamanna ernumanartorujussuusoraara, nakorsaq nangilluni oqarpoq.

Nakorsiat sillimaniarfigineqarnerat annikinnerusoq

Siunertaanngitsumik kukkunernik taaneqartartunik nalunaarsuinermi kukkussutit ilikkarfiginissaat siunertaavoq.

Nalunaarsuisoqanngikkaangat taamaalillunilu siunissami kukkoqqinnginnisaq qulakkiinnngikkaanni, napparsimasut isumannarnerulersinnaasut, nakorsat peqatigiiffiannit isumaqarput.

- Kukkuluttornerit piffissami qaninnerusumi ungasinnerusumilu ilikkagaqarfigineqartarniassammata ingerlatseriaatsillu taavalu suleriaatsit aaqqiiffigineqartarniassammata isumannaassuseq eqqarsaatigalugu pitsanngorsaaniarluni kukkuluttornerit nalunaarsorneqartalerput. Aaqqissuussinerlu malinngikkaanni nakorsiartut isumannaassusaat siunissami ajornerulersinnaavoq.

Napparsimmaveqarfinni ulapinnerusoqartoq

Peqqinnissaqarfiup Qullersaqarfiata peqqinnissaqarfimmi ingerlatsineq akisussaaffigaa. Kukkunernik nalunaarsuineq qanorlu nakorsaasinnaanermut misissuineq ukiuni kingullerni pitsaanerulersimasut qullersaqarfik KNR-imut allappoq.

Nakorsalli tamanna annerusumik malugisinnaanngilaat.

- Ukkatarineqarsoraara, sunniuteqarluarsimanersorli uuttortaruminaappoq. Immaqa toqqaannartumik malugigunanngilara. Kisianni soorunami amerlasuunut pitsaanerulersimasinnaavoq, nakorsialli amerlinerata malitsigisaanit iluaqutissartaa kataanneqarpoq, nakorsat peqatigiiffianni siulittaasoq Hans Christian Florian Sørensen oqarpoq.

Taassuma nunatsinni napparsimmavinni ukiuni kingullerni ulapinnerusoqalersoraa. Peqqinnissaqarfillu politikerinit pingaarnerutinneqarnerusariaqartoq isumaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat