Nakorsat sivisunermik taartaasalissapput
Peqqissutsimut Naalakkersuisoq Agathe Fontain peqqinnissaqarfiup nutarterneqarnera paasititsiniutigalugu illoqarfinni nunaqarfinnilu maanna angalavoq.
Peqqinnissaqarfiup aaqqissuussaanera nutarterneqarpat nunat immikkoortui 16-iniit tallimanut ikilissapput.Taamaalillutik immikkoortup napparsimavianinngaanniit allaffissornikkut aqutsinikkullu ingerlanneqartussaalluni.
Telemedicin atorlugu alimasissumit nakorsiartoqartarneq atorneqarnerulissaaq.
- Nutarterineq ingerlallualeriarpat malugineqassaaq, teknologi atorlugu nakorsiartitsisinnaaneq, tassa ungasissumiikkaluarluniluunniit nakorsiartoqarsinnaalissammat, Agathe Fontain oqarpoq.
Peqqinnissaqarfiup nutarterneqarnera atuutilerpat nakorsanik amerlanerusunik sulisoqalersinnaanissaq neriuutigineqarpoq.
- Avataaninngaanniik sulisussarsiortarnerput maannakkut ajornartorsiutigaarput, ingammik avinngarusimanerusuni nakorsaqartitsinissaq ajornartorsiutaalluni. Neriuppugut taamatut atorfinitsitisinnaanerup kinguneranik nunap immikkoortuini sulinissaq pilerinarnerulissasoq, peqqinnissaqarnermut naalakkersuisoq Agathe Fontain oqarpoq.