Nakorsat paarlattaannut koruunit millionilikkaat

Peqqissaasut piffissami sivikitsuinnarmi paarlattaasartut ullumikkut atorneerutipajaarsimasut, illuatungaani nakorsanut paarlattaaginnarlutik sivikitsumik sulisinneqartartunut aningaasat 2011-mi atorneqarsimasut ukiumut siulianut naleqqiullugit marloriaammik amerleriarsimapput.

Nakorsanut paarlattaaginnaartunut, Nuuk kisiat pinnagu, 2010-mi aningaasat 10 million koruunit atorneqartut ukiumi tullermi, tassa 2011-mi aningaasat 20 million koruunit missaanniittut atorneqarput, tassa marloriaatinngorsimallutik.

Nunatsinni illoqarfinni nakorsanik atorfeqavissunik amigaateqarneq ataasiinnarmik ajornartorsiortitsinngilaq.

Siullertut oqaatigineqarsinnaavoq, nakorsat paarlattaasartut nikerarnerujussuisa pilersittarpaa, napparsimasunik sullissinermi taakku toqqissisimananngitsumik misigisinneqartarneri. Aappassaanik, nakorsat atorfeqavissut akissarsiaannut sanilliullugit paarlattaaginnarlutik sulisinneqartartut akissarsiaat marloriaammik amerlanerupput.

Nakorsat Namminersorlutik Oqartussallu isumaqatigiissutaat 2009-meersoq naapertorlugu, nakorsap atorfeqavissup ukiunilu 13-ini atorfeqarsimasup, qaammammut tunngaviusumik akissarsiarisarpai 45.000 koruunit, saniatigut tapisiat ilanngunnagit. Sinerissami illoqarfinni allani nakorsat paarlattaaginnarlutik sulisut atorneqarnerusut, Nuummi tamanna ajornartorsiutaanngilaq.

Dronning Ingrid-ip Napparsimmavissuani nakorsanut paarlattaaginnartunut aningaasat siorna atorneqartut 409.000 koruuniinnaapput, ukiumi siuliani 1,8 million koruuniusut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat