Nakorsaq: Niisarnartorneq silapparissutsimut akornusiisarpoq
Niisarnat, soorlu kviksølvimik allanillu akoqarpallaalersimanerat pissutigalugu, inunnut peqqinnarunaartut nakorsaanerup, Pál Weihep ungasinngitsukkut innersuussutigaa.
Pál Weihe Savalimmiuni napparsimmaveqarfimmi Suliffigisanut atatillugu nakorsaatit, Inuiaallu Peqqinnissaat pillugit immikkoortortaqarfimmi nakorsaaneq, ima oqaluttuarpoq:
- Naliliinitsinni nalinginnaasumik poqersuunermut uuttuutigisartagaq, inteligentkvotientimit pineqartartoq atunngilarput, tarnikkulli ineriartorluarsimaneq aallaavigalugu silatussuseq atorlutigu, Pál Weihe oqarpoq.
- Inuiaqatigiit ataatsimut isigalugit silatussusaannik nalilersuinerit agguataaratsigit takusinnaavarput, ukiut ingerlaneranni silappaarissuseq appariartortutut nalilerparput. Silappaarissut ikiliartornerat eqqarsaatigivallaanngikkaluarlugu, naliliinitsinni appasinerpaamiittut siornatigut ajornartorsiuteqareersut artorsaateqalernerusarnerat aarlerinartoqartipparput.
- Ukiut ingerlanerani misissuisarnitsinni silappaarissutsimut ajoqutaajunnaarnissaat neriuutigigaluaratsigu, meeqqat ineriartorneranni misissugarisatta 14-inik ukioqalerneranni misissoqqikkatsigit silappaarissusaat appariartuinnartoq takusinaagatsigu niisarnartoqusiunnaartariaqarpugut, Pál Weihe oqarpoq.
Qilalukkat qaqortat qernertallu niisarnatuulli soorlu kviksølvimik allanillu peqqinnanngitsunik akoqarput, nannullu aamma taamatut akoqarlutik, puisit aamma annikinnerugaluartumik akoqarput.