Nakorsaq nalunnginneqarluartoq MS Framimi oqalugiartuussaaq

Taanna juunip 15-aniit 18-at ilanngullugu umiarsuarmi oqalugiartuussaaq. Oqalugiaatigissavaa TV-kkut aallakaatitassiami 'Danmarksekspedition'-imi Tunup Avannaarsuanut angalanermi peqataanermini misigisai kiisalu takorluukkanik piviusunngortitsisarneq.

- TV-kkut aallakaatitassiornitsinnut tunngatillugu angalanitsinni assilisimatsinnit tigulaarinninniarpunga. Taamaaliornikkut neriuutigaara saqqummiussiffikka namminneerlutik takorluulersinnaasagaat. Soorlu ullaakkut makilluni 35-40 angullugu ississusilimmiilluni nerisassiugassat qerisut aamma aasserniarneri akunnerup affaanik sivisussuseqarsinnaasartoq. Taamaasilluni ullaakkut makinnermi ileqqut aalajangersimalluinnartut pilersarput. Danmarkimi Kalaallilluunniimi Nunaanni nillataartitsiveqarfiusuni pissutsit allarluinnaapput.

Pingaaruteqarpoq kiffartuunneqartarneq pillugu ilaatigooriarluni naliliilaartarnissaa. Kinerisut oqariartaaseqarput: Inuunermi aqqutigisaq allanngortinngikkaanni, sumut ingerlaarnerluni nalunarneq ajorpoq. Isumaqarpunga tamanna nalilersortuartariaqartoq sualummik sinnattunik takorluukkanillu piviusunngortinniaraanni piviusunngortinneqartariaqarput, inuunermini pisut sukkasuumik ingerlapput angumeriniagassat.

Eqqaamavara issinnerujussua ernummatigalugu. Kalalalit Nunaannukassallunga Københavnimi mittarfimmi tusagassiortut 15-it 20-it ernumarpasillutik isikkui taakkuami imatut isikkoqarlutik isigaannga, aallarpat takoqqissanngilarput imaluunniit takoqqissajunnarsimavarput.

Kalaallit Nunaanut tikikkama sikumullu pigama allatut misiginngilara soorlu tassa ukiami sila nuannersoq.

Issittumi qiianeq pillugu ernumaneq eqqarsaatinit aallaveqarsoraara. Issi ajornartorsiutiginagu pigaanni ajunnginneruvoq ajornartorsiutigigaannimi angalaneq sivitsorujussuarsinnaavoq.

Peter Qvortrup Geisling Ilulissaniit juunip 15-anni umiarsuarmut MS Fram-imut ikissaaq.