Nakorsaq: Aalalaartaruit peqqinnerussaatit

Inuit nakorsiartut sisamaagaangata ataaseq naggussamigut arlaatigulluunniit anniaateqarluni nakorsiartarpoq.

Kalaallit Nunaanni Nakorsat Peqatigiiffiata ajornartorsiut tamanna eqqummaariffigaat, sapaatillu akunnerata naanerani Nuummi naapipput, ilisimatuussutsikkullu angusat tunuliaqutaralugit pikkorissartinneqarlutik.

Immikkut ilisimasalik Danmarkimit tikisinneqarpoq, pikkorissartitsisuulluni.

Tagiartuisartut pikkorissartitsinermut aamma peqataatinneqarput.

Nuummi nakorsiartarfimmi nakorsaq Henning Sloth Pedersen pikkorissartitsisoqarsimanerup tunuliaqutai ima nassuiaatigai:

- Inuit sisamaagaangata ataaseq anniaateqarluni nakorsiartarpoq, taakkunanilu kikkut ilumut nappaateqarnersut imaluunniit anniaannarnersut paasisinnaniarlugu pikkorissartariaqarpugut, Henning Sloth Pedersen oqarpoq, nangillunilu:

- Misissuinitsinnut atatillugu paasivarput amerlanerit, 90 procentit tikillugit, anniaraluarlutik nappaateqarneq ajortut, nakorsaq oqarpoq.

Inuit ulluinnarni nukinik atortagarinngisaminnik atuisut, soorlu allaffimmioq aavariartoq, annialernissaminut qaninnerusartoq, Henning Sloth Pedersenip oqaatigaa. Tamanna pissutigalugu aalanialaartarnissaq pingaaruteqartoq nakorsap aamma oqaatigaa.

Henning Sloth Pedersen oqarpoq.