Nakorsaatit navianartut tammaaneqarput
Taavalu Nanortallip napparsimmavianit nalunaarut, tassa Nanortallip napparsimmavianit nalunaarutigineqarpoq nakorsaatit iisartakkat sakkortuumik sunniuttartut Danmarkimiit Nanortalimmut assartorneqartut ilaat tammaaneqartut.
Nanortallip napparsimmaviani peqqissaasut pisortaat Stine Corneliussen oqarpoq nakorsaatit taammaaneqartut tassaasut iisartakkat Fenemalinik taaguutillit 100-it.
Iisaratakkat qaqortuupput mikisut, iisartagarlu ataaseq 100 miligrammiusoq oqaatigineqarpoq.
- Iisartakkat iioraraanni navianarsinnaammata inuit tigusisimasinnaasut kajumissaassavagut peqqinnissaqarfimmut utertitsiartoqqullugit, Stine Corneliussen oqarpoq.
Iisartakkat pineqartut fenemalit Danmarkimiit Nanortalimmut assartorneqartillutik sumerpiaq tiguneqarsimasinnaanersut Stine Corneliusen-ip paasisimannginnerarpaa. Oqarpoq iisartakkat puui Nanortalimmut pissunneqartut imaareerneqarsimasut.
