Panama-mi nakorsaatit mingutserneqarnerisigut ikinnerpaamik inuit 100 toqusimasut, nutaarsiassaqartitsiviup dr.dk-p allaaseraa.
Panamami eqqumiitsumik inuppaassuarnik toqorartoqalernera pillugu Panamami oqartussat misissuisitsisimapput.
Inuillu 100-t toqusut misissuivigineqarmata qularnaarneqarsimavoq inuppassuit toqoralernerannut peqqutaasoq tassaasoq nakorsaatit mingutserneqarsimanerat.
Misissuinerullu kingunerisaanik paasisat najoqqutaralugit inuit 265-t toqusimassangatinneqaraluarput, misissuisullu maanna timit toqungasut ilevermiit qaqillugit timaat misissornialersaalerpaat.
Nakorsaatit toqoraassutaasut Kina-meersunik toqunartunik akuneqartarsimasut oqaluttuarineqarpoq.
Ilimagineqarporlu Kina-mi peqquserlullutik aningaasannanniartartut tamanna piliarisimassagaat.