Nakorsaatinut inatsisitaalerpugut

Nunarput ukiortaamit nakorsaatit pillugit inatsisitaassaaq.

Danskit nakorsaatinut tunngatillugu inatsisaat maannamut atuutsinneqartoq Peqqinnissaqarfiup Qullersaqarfiata sulissuteqarneragut Nunatsinni inatsisiliamik inatsiseqalissaagut.

Naak nakorsaatit pillugit ingerlaaseq allanngungaassanngikkaluaq, taamaattoq Nakorsaatit pillugit ataatsimiititaliap siunnersuutai Inatsisartunit akuerineqaqqaartalissapput.

Taamaaliornikkut nakorsaatit pillugit danskit nakkutilliillutillu akuersisartui avaqqullugit nakorsaatinik sanaartortunit allanit pisisinnaalissaagut.

Nakorsaatinik pisiniarfinni pisiarisakkat pillugit, uumasunillu nakorsaasersuisarnerup malittarisassai allannguuteqalaassapputtaaq.

Assersuutigalugu uumasuutit nakorsaaserneqarsimappata – soorlu penicillin-inik – piffissap aalajangersimasup iluani toqunneqaratillu nerineqassanngillat, neqaata nakorsaatinik akoqarnissaa pinngitsoorniarlugu.