Nakorsaatinut akuersisarneq eqaannerulersinniarneqarpoq
Inatsisartut ullumi ataatsimiilerpata siullertut oqaluuserineqassaaq nakorsaatit nunatsinni atorneqarsinnaanerannut akuersisarnerup eqaannerulersinniarneqarnera.
Nakorsaatit nunatsinni atorneqarsinnaasut naalakkersuisunit ullumikkut akuerineqaqqaartarput. Nakorsaatit qaammammut 200-t missaanniittut sanaartorneerullutik atorunnaarsinneqartarput, nakorsaatillu taartissaat amerlanerit nakorsaatit allattorsimaffiiniinneq ajormata, naalakkersuisut ukiumut arfineq pingasoriarlutik quleriarlutilluunniit nalunaarusiortariaqartarput.
Taamaammat nakorsaatinik nutaanik akuersisarneq oqinnerulersinniarlugu, nakorsaatinik akuersisarneq Nakorsaatit Pillugit Ataatsimiititaliamit siunissami akisussaatinneqarnialerpoq.
Nakorsaatit akuerineqartut ullumikkut 7500-t missaanniipput.
Inatsisartut oqaluuserisassaat ullumi sisamaapput, nakorsaatillu eqqartorneqarnerisa saniatigut, pingasut kalaallisut oqaatsinut tunngassuteqassapput.
