- Ukioqqortunerusut perulullutik napparsimalersinnaanerupput. Taamaattumik ukioqqortunerit akiuussusertikkunik iluaqutiginerussavaat, nakorsaaneq Henrik L. Hansen oqarpoq.Assi: Aviaaja Kielsen / KNR

Nakorsaanermit kaammattuut: Tuniluuttoqalissaaq - akiuussusertigit - aammalu

Covid-19 aasaaanerani sulinngiffeqarnerup kingorna tuniluutileqqinnissaa Nakorsaanerup naatsorsuutigaa. 50-it sinnerlugit ukiullit akiuussutissakinnerusullu akiuussuserneqarnissaannik Naalakkersuisut neqorooruteqqaqqilerput.

Qilanaarnissamut siusippllaarpoq. Coronamik tuniluunniit suli qaangiutinngilaq.

Ukiap ukiullu sinnerani COVID-19-mik tuniluuttoqqaqqilernissaa Nakorsaaneqarfimmit naatsorsuutigineqarpoq, taamaattumillu akiuussussersuisoqaqqinnissaanik Naalakkersuisut kaammatuuteqarput.

AAMMA ATUARUK Nakorsaaneq coronamut killiffik pillugu: Aasaanerani ukiarulu tunillatsittut sungiuttariaqarpagut

Nakorsaanerup Henrik L. Hansenip oqarnera naapertorlu perululluni napparsimalersoqarsinnaavoq toqusoqarsinnaalluni..

- Coronamik napparsimallutik perululernissaat toqqutiginissaalu pinaveersaartinniarparput.

Taamaaliussaagullu napparsimallutik perululersinnaasunut akiuussutissamik neqerooruteqarnitsigut, nakorsaaneq KNR-imut taama oqarpoq.

Nakorsaaneqarfimmit innersuussineq Naalakkersuisunit malinneqarpoq, akiuussusersuinissamillu pilersaarummik aallartititsillutik.

Naalakkersuisut tusagassiuutinut nalunaaruteqarlutik taama allapput.

Tuniluunneq nakkutigineqarsinnaanngitsoq

Inuit 50-ileereersimasut akiuussutissakinnerusullu aallaavitut akiuussuserneqarnissaannut imaluunnit akiuussuseqqinneqarnissaannut neqeroorfigineqassapput.

- Ukioqqortorunerit perululersinnaanerupput.

Taamaattumik ingammik utoqqaanerusut akiuussusertikkunik iluaqutiginerussavaat, nakorsaaneq Henrik L. Hansen oqarpoq.

Meeqqat tallimat tikillugit ukiullit akiuussuserneqarnissaannik nakorsaaneqarfimmit siusinnerusukkut innersuussutigineqarpoq.

Meeqqat akiuussuserneqarnissaannik Henrik L. Hansenip jannuaarip qaammataani tunngavailersuutigaa Inuiaqatigiinni tuniluunneq annikillisinneqassammat peqqissaaviillu sapinngisamik pisariaqanngitsumik artukkinneqasssanngimmata, aammalu ulluinnarni inuunitsinnut nalinginnaanerusumut sungiusimanerusatsinnut ingerlaqqissinnaalerniassagatta

AAMMA ATUARUK Corona: Vaccination af små børn går i gang fredag

Taamani ilisimasat misilittakkallu nakorsaanerup isumaanut isiginnatariaasianullu allannguisimavoq

- Coronap allannguutai ingerlaartut tuniluuttorujussuillu pinaveersaartissinnaanatigit maannna paasivarput, nakorsaaneq oqarpoq.

- Nappaatip siaruaatinngissaanut akiuussutissap unitsissinnaanngilaa.

Virusip taama tuniluutsigisup tuniluutinnginnissaa pinngitsoortissinnaanngilarput, narkorsaaneq taama oqarpoq

Akiuussusersuinerup annikillisineqarneqarneranut aalajangerneq pillugu nakorsaaneq nassuiaagami oqarpoq, inuusuttut inuillu peqqissut coronamik tunialltsikkaangamik napparsimarpiarneq ajornerat pissutaasoq.

Taamaattumik inunnut ataasiakkaanut akiuussusersuineq iluaqutaanersoq nalilersorneqartuaannassaaq.

- Akiuussusersuineq ajunngequteqarnerusussaavoq,innarluutaasuninngarnit , nkaorsaneq oqarpoq.

Peqqinnissaqarfinni paaqqinnittarfinnilu sulisut imaluunniit perululersinnaanerusut qanigisai ilanngullugit akiuussuserneqarnissamut neqeroorfigineqassanngillat.

Innuttaasut suli tapersersuinissaat neriuutigineqarpoq

Nakorsaanerup Henrik L. Hansenip oqarnera naapertorlugu Kalaallit Nunaanni akiuussusersuinerup tapersersorneqarnera ajunngilluinartuusoq.Coronamillu tuniluunnerup ajornannginnerusumik qaangerneranut tamanna nassuiaatissaasoq nakorsaaneq oqarpoq:

AAMMA ATUARUK Misissuineq: Coronamut akiuussutit ukiumi ataatsimi inunnik 20 millioninik annaassisut

Taamaattummik nakorsaaneqarfimmit neriuutigineqarpoq, amerlasuut akiuussutissamik kapitikkummaartut:

-50-nik ukiullit ukioqqortunerillu akiuussusertinnissamut tapersersuiulluartorujussuupput.

Taamaattumik kaammatuuteqarneq ersarissorujussuuvoq, neriuutigigatsigu suli tapersuisoqarumaartoq, tuniluunneq tullinnguuttussatut naatsorsuutigisarput qaangerluarniassagatsigu, nakorsaaneq Henrik L. Hansen taama oqarpoq.

Akiuussusersuineq 1. oktober 2022 aallartinneqarnissaa naatsorsuutigineqarpoq.

Sumiiffik paasissutissallu allat kingusinnerusukkut tamanut saqqummiunneqarumaarput.

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl