Nakorsaaneqarfik nutaamik pisortartaassasoq
Nakorsaanerup Henrik Trykkerip Danmarkimut uterluni atuuffini ukiaru qimassavaa. Taama aalajangiineq oqitsuusimanngitsoq pisariaqartorlu KNR-imut ilisimatitsivoq.
- Ilaquttatsinni napparsimasoqarpugut, akisussaaffigisarpullu tiguniarlugu angerlassaagut, Henrik Trykker oqarpoq.
Henrik Trykkerip nakorsaaneruinnarusussinnaagaluarluni oqaatigaa.
- Suliffiuvoq tigummiinnarusussinnaasaraluara, nakorsaaneq oqarpoq. Taamaakkaluartorli ukiaru Danmarkimut uterluni nuukkuni soraarninngornissaminik pilersaaruteqarpoq.
Nakorsaaneq Aasianni nunap immikkoortuani nakorsatut 2015-imi oktobarip qaammataa atorfineqqaarsimavoq.
Trykkerip atuuffik qimataa paarlatsimik inuttalerneqassaaq. Nakorsaanerup suliassai ilaatigut tassaapput Naalakkersuisunut siunnersuinissaq, peqqinnissamut isumaginnittoqarfimmik nakkutiginninneq innuttaasut peqqissusaannik nakkutiginninneq, pisariaqarneratigullu innuttaasut peqqissusaannik ilisimatitsineq.