Nakkutilliisut Narsamut

Narsap Kommuniani Inunnik Isumaginninnermi aningaasartuutit kommmunip aningaasaqarnera innarlerpaat. Naak akileraarutitigut isertitat amerliartoraluartut inunnik isumaginninnermi aningaasartuutit ilanngullutik amerliartorput.

- Narsap Kommuniata aningaasaqarnera pitsaanngilaq.Kommunalbestyrelsep ataatsimiinnera allarnerlugu kommunit Nakkutilliisoqarfianit tikisitat taama oqarput.

Tikisitat Narsap borgmesterianit Kiiki P. Isaksen-mit aggersarneqarsimasut ulluni kingullerni kommunip aningaasaqarnera misissorsimavaat.

Narsap Kommunia 1,4mio. koruuninik sinneqartooruteqassasoq missingersuusiorneqarsimavoq, kisiannili Inunnik Isumaginninnermut aningaasartuutit maannamut taama ingerlarsortinneqartuarpata ukioq naappat 3,2 mio. koruuninik amigartooruteqariaannaavoq. Kingunissaa 2006 –mi kommunimut sakkortoorujussuussaaq, sumi tamaani sipaarniartoqartariaqarpoq aammalu politikkikkut angujumasaagaluit akissaqartinneqarnavianngillat timitalerneqarsinnaanatillu.

Naak akileraarutitigut isertitat amerliartoraluartut Inunnik Isumaginninnerup tungaatigut aningaasartuutit ilanngullutik amerliartorput. Septmeberip tungaanut kommunimi inunnik isumaginnittoqarfiup tapiissutit 93 % -tii atoreersimavai naak qaammat taanna 66 % -timiittussaagaluit, tassalu millioninik arlalinnik atuivallaartoqarsimavoq. Fabrikkip novemberimiit maj –ip tungaanut matoqqasimanera tamatumunnga pissutaasinnaavoq. Suliffissaaleqisut amerlapput kisiannili aamma maannakkorpiaq Neqi A/S –ip toqoraavia sulisussaaleqivoq savaaqqanik savanillu toqoraasoqarmat.

-Inunnik isumaginninnermut aningaasartuutit sooq taama qaffasitsiginersut naluarput. Aningaasaqarnersi navianartorsiorpoq. Suleriaasersi eqqumaffiginiarsiuk. Immissinnut suleqatigiinniaritsi avataaniillu ikiortissarsiorniaritsi assersuutigalugu Kanukokamiit, Kommunit Nakkutilliisoqarfianeersut taama Narsap Kommunalbestyrelsiani ilaasortanut inassuteqarput. Ilanngullugu isumaqarnerarput kukkunersiuisunut aningaasartuuteqaraluaraanni kommunimut iluaqutaaginnassasoq.

Judith Hard Peilmann Narsamiit.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat