Nakkutilliisut Iranimi misissuipput
Nunat tamalaat arlartitaasa aamma Iranip oqartussaasuisa atomimik nukissiuuteqarneq pillugu nutaamik isumaqatigiissusiortoqarnissaa, sapaatip akunnerani tullermi pisussaq sioqqullugu, Iranimiut kissaataat naaperlugu takuniaatitsineq pivoq.
Taamaattorli amerikamiut, tuluit, franskit aamma tyskit aallartitaat pulaaqattaartinneqartunut peqataatinneqanngillat qaaqusaasimanatillu. EU-mi nunat qaaqqusaagaluarput, taakkuli peqataajumanatik nalunaarsimapput, oqarlutik misissuinerit taamaattut Naalagaaffiit Peqatigiinnit suliarineqartussaasut.
Rusland Kinalu aamma aggerniaratik nalunaarsimapput.
Iranip atomi atorlugu nukissuíornerat aamma sakkussiorsimagunarneri pillugit, tallimanngorpat Istanbulimi naapeqatigiittoqassaaq, peqataassallutik Iran aamma nunat pissaanilissuit; Rusland, Kina, USA, Frankrig, Tyskland aamma Tuluit Nunaat.
