Nakkutilliisoqarfik siulittaasortaarpoq

Nunatsinni kommunit nakkutilliisoqarfiat siulittaasortaarpoq. Taanna tassaavoq Nunatta Eqqartuussiviani eqqartuussisoq 42-nik ukiulik Thomas Trier Hansen.
Allattoq Elisa Isaksen
februaarip 22-at 2011 07:02

Kommunit aqunneqarnerat pillugu inatsit nutaaq 2011-mi januaarip aallaqqaataani atuutilersoq naapertorlugu, Nunatsinni Nunap Eqqartuussisuunera Nakkutilliisoqarfiup siulittaasuanik toqqaasussaavoq. Siornatigut Naalakkersuisut siulittaasuat "toqqaannartumik" kommunit Nakkutilliisoqarfianni siulittaasunngortitaasarpoq.

Inatsisitigut aalajangersakkamik allannguinikkut, Nakkutilliisoqarfiup siulittaasuanik toqqaasarneq, Namminersorlutik Oqartussani politikikkut allaffissornikkullu ingerlatsinermullu attaveqassanngitsoq Naalakkersuisut kissaatigisimavaat, taamaalilluni Nakkutilliisoqarfimmi sulinerup sapinngisamik annerpaamik kinaassusersiunnginnissaa isumannaarniarlugu. Taamaalilluni piumasaqaatit ilagaat Nakkutilliisoqarfimmi siulittaasoq inatsisilerituutut soraarummeersimassasoq taamalu inatsisilerinermut tunngasutigut paasisimasaqassuseq Nakkutilliisoqarfimmi pitsaanerulersinniarlugu.

Nakkutilliisoqarfiup ilaasortaasa sinneri sisamat maannamut periaaseq naapertorlugu Inatsisartunit ilaasortat marluk toqqarneqartarput ilaasortallu marluk Kanukokamit toqqarneqartarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq