Nakasummik naatitsisoqarpoq
Ilisimatuut inuup sannaanik iluaqutserlutik misileraavimmi nakasummik naatitsisimapput.
Amerikami naalagaaffiit ilaanni, North Carolinami, ilinniarnertuut ilinniarfianni, ilisimatuut nakatsut arfineq marluk naateriarlugit peersiffimminnut iluatsittumik ikkussisisimasut, nutaarsiassaqartitsivik BBC nalunaarpoq.
Nakasulerneqartut sannaanik peersillutik misileraavinni naatitsinertik iluatsilluarsimavaat, inuttaaneereermatalu ilimagineqanngilaq timaasa sannaannit ajorineqarnissaat.
Timip atortuinik napparsimasunut ikkutassanik naatitsisinnaaneq ajornarsimanngilaq, soorlu amermik, saanernik, tingummillu naatitsisoqarsinnaalluni. Ajornarnerpaasimavoq uummammik naatitsiniarneq.
Uummammik naatitsisalernissaq Ilisimatuup Peter Weissbergip suli ungasissangatippaa – apeqqutaavorlumigooq iluatsissinnaassanersoq.
