Najuussuisimasut ilaat peruluttut suli inaanniipput
Inersimasut meeqqallu 20-t, arfinillit, Bornholmimi nuannaariartarfimmi naluttarfiutigisumi, Jobolandimi, klorimik najuussuisimanerisa kingorna ippassaq napparsimmaviliaanneqartariaqarsimapput, taakkunanngalu arfinillit, meeraq ataaseq akuulluni, napparsimmavimmi peruluttut ullaaq manna suli inaanniipput.
Sullulik, naluttarfiup klorimik pilersuiffianiittoq, kaanngarmat klori annertoorujussuaq naluttarfimmi anialersimavoq.
Meeqqat arlalissuit annaassiniartartullu marluk najuussuinerpaasimapput, klorip aniaffia taakku unitsinniarsarisimagaluarpaat, najuussuisimasulli amerlanersaat ippassaq unnukkut angerlartinneqarsinnaasimapput.
Joboland maanna matuneqarallarpoq, misissorneqarallassalluni.