Najummassimanartorsiortoqarnera ataatsimiissutigaat
Atorfilittat aallartitallu taama nalunaaruteqartut nutaarsiassaqartitsiviit assigiinngitsut allaaseraat.
Rusland ataatsimiigiaqqusisuuvoq, Koreap qeqertaasaani pissutsit aaqqiivigineqarnissaat anguniarlugu.
FN-ip qullersaata Ban Ki-moonip Seoulimut Pyongyangimullu aallartitaqarnissaa Ruslandimi oqartussat piumasarivaat.
Korea Kujalliup sakkutuui qeqertap Yeonpyeongip eqqaani sungiusartinneqarnissaat pissutaalluni Koreap qeqertaasaani najummassimanarpoq.
Qeqertaq taanna Korea Avannarlermit novembarimi qaartartumeerneqarpoq.
Korea Kujalleq aqagu sungiusartitsissappat Korea Avannarlermiit akiniaasoqarnissaa sioorasaarutigineqarpoq.
USA-mi New Mexicomi guvernøri Bill Richardson Korea Avannarlermiippoq oqartussat tassani ataatsimeeqatigigamigit, aaqqiisoqarsinnaanissaa matumani angunigaalluni.
