Najukkani siunnersuisoqatigiinnik pilersitsisoqartariaqarpoq
-Tassa Inatsisartut aaqqissuusseqqinnermut ataatsimiititaliarigallagaata aaliangernera toqqammaviuvoq tassani, tassani innersuussutigineqarmat nunaqarfinni aqutsisut attatiinnarneqassasut, taavalu illuatungaatigut innersuussuteqartoqarani illoqarfinnut, Søren Alaufesen oqarpoq, illoqarfinnilu innuttaasut oqartussaaqataaneranik assigiinngisitsisoqalissasoraa, naak aaqqissuusseqqinnermi oqartussaaqataanerup nukittorsarneqarnissaa anguniarneqaraluartoq.
-Kommunerujussuarni kommunalbestyrelsinngortussat namminneq aaliangiisinnaasariaqarput, najukkani sinniisunik imaluunniit nunaqarfinni aqutsisunik pilersitsissanerlutik, Søren Alaufesen oqarpoq, taamaaliornikkut innuttaasusut kommunalbestyrelset saniatigut oqartussaaqataanerat nukittorsarneqarsinnaassammat.
Kommunerujussuassani inuttaasuseq najoqqutaralugu kommunalbestyrelsiusussat ilaasortaasa amerlanerpaaffissalerneqartarnissaat, inatsisartunut ammasumik allakkani ammaa ujartorneqarpoq.