Assi: Aleqa Ottosen

Qaqortoq Najugaqartut allamut inissarsissunniarneqarnerat ajornartorsiutigineqartoq

Qaqortumi inissiat pisoqalisut oquttullu matuuginnarneqarsimasut amerlammata inissiarsuarmi ikuallaqqammersumi najugaqartut allamut inissarsissunniarneqarnerat ajornartorsiutinngorpoq. Kommune Kujallermi borgmesteri Namminersorlutik oqartussanut ikioqqulluni maanna saaffiginnissuteqarpoq.

Blok J-ip juulliaqqami ikuallatsinneqarnerata kingorna inoqutigiit 18-it inissaaruttut inissarsissunneqarnissaat saaffiginnissutigineqarpoq.

Kommune Kujallermi borgmesteri iliuusissaaleqivoq.

- Maani Kommune Kujallermiit Namminersorlutik oqartussanut saaffiginnissuteqarpugut saaffigalugit paasiniarlugu pilersaarutaat qanoq innersut, Kommune Kujallermi borgmesteri Kiista P. Isaksen oqarpoq. 

AAMMA ATUARUK Blok J 25-nik inissiartaqartoq inuerutsinneqartussanngorpoq

Blok J-milu ikuallattoqareernerata kingorna inissiaq 25-nik inissiartalik inuerutsinneqartussanngormat Qaqortumi inissiarsuarni inissiat Namminersorlutik oqartussanit pigineqartut matuuginnarneqartariaqalersimasut 193-inngorput.

Qaqortumilu inissiat pisoqalisut oquttullu matuuginnarneqarsimasut amerlammata blok J-mi ineqaraluartut ilaata allamik inissarsissunneqapallannissani ilimaginngilaa.

AAMMA ATUARUK Inissiaatileqatigiiffiliornikkut inissialiornerit aallartisarneqassasut

- Inissiarpassuit najugarineqanngitsut amerlagaluarput. Kisiat oquttut aserfallassimasullu. Tamakkua kisimik inigineqannginnamik, Sofus Davidsen oqarpoq.

Ajornartorsiulli kommunemiit iliuuseqarfigineqartoq borgmesteri oqarpoq. 

- Isiginngitsuusaarneqanngillat. Aamma arlaatigut nalaanneqartut pillugit pisariaqartitsisunut oqaloqateqarnissamut ikiuigasuarnissamut aamma peqatavugut.

AAMMA ATUARUK Qaqortumi atuarfiup pisortaata inigisalunneq pillugu atorfini qimakkaa

Qaqortumilu Tasersuup atuarfiani pisortaq tullersortaalu naammaginartumik inissaqannginnertik pissutigalugu illoqarfimmut allamut nuuginnartariaqalersut pillugit decemberip qaammataani KNR-imi aamma nutaarsiassiivugut.

Kommune Kujallermi inissiaatileqatigiiffik nutaaq Kujallermi illuutit A/S ukioq manna ukiullu tulliani inissanik nutaanik 40-nik sanaartussalluni pilersaaruteqarpoq.

Kommune Kujallermiit saaffiginnissutigineqartut pillugit Ineqarnermut Naalakkersuisup oqaaseqartinnissaa maanna sulissutigaarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!