Amerlasuut ungasissumiit ilinniarnertuunngorniariartortarput. Taakkuali ulluinnaat ajorkusoornartorsiorfiusinnaasarpoq.

Najugaqarfinni perorsaasut GU-rtut ulluinnaat oqinnerulersikkaat

Inuusuttut ungasissumiit ilinniarnertuunngorniariartortut ulluinnaat ajornakusoorfiusinnaasarput. Ilinniarnertuungorniarfiilli arlallit najugaqarfinni perorsaasunik, inuusuttunik najuisussanik, maanna atorfinitsitsiortorput.

Sørine Petersen ilinniartut najugaqarfiini perorsaasunngoqqammerpoq. Taannalu ilinniarnertuuNngorniartut saaffissakiffiini ajornartorsiornerannilu najuuttussaavoq. Taavalu ilinnialerlaat najugaqarfinni malittarisassanik ilinniartissallugit.

- Ilinniartullu inaanni malitassat annerusumik immaqa qinnueqarnerminni akueritikkamik ilisimanagit. Aattaallu apuukkaangamik ilinniarfissaminnut, soorlu maanga Aasiannut, taakkua malinniarneri ilaasa soorunalimi ilungersuutigisarpaat. Igasinnaanngitsoqarsinnaavoq, taavalu eqqiaanernut arlaannulluunniit sungiussisimanngitsoqarsinnaalluni.

AAMMA ATUARUK Forskellige baggrunde kan skabe mistrivsel

Sørine Petersen suleqataalu kalaallisut oqaluttuupput - taamaanneralu ilinniartunut isumaqaqaaq.

- Massakkut uagut atorfinittut assorsuaq atorluarneqarpugut oqaaseqatigigamitigut, aammalu soorlu nutserussisinnaalluta.

Sørine Petersenip ilinniarnertuunngornianik ullaakkut itersaanissaq suliassaanut ilaavoq, taamaalillutik inortuinnginniassammata atuanngitsuunginniassammatalu.

AAMMA ATUARUK Ilinniarnertuunngorniarfiit iluatsippat imaluunniit iluatsinngitsoorpat?

- Ullaakkut itersaasarpugut nalunaaqutaq aalajangersimasoq. Assersuutigalugu ilinniartitsisut saaffigippatigut immaqa uku assersuutigalugu atuanngitsoornerisa amerlivallaarnissat pinaveersimatinniarlugu, ullaakkut nalunaaqutaq aalajangersimasumi arfineq marlunut aallartittarpoq, qassineerniaraluarpataluunniit.

Sørine Petersenip suleqataasalu neriuutigaat, ilinnartut najugaqarfiini najuunnermikkut iliniartut ungasissumeersut toqqissisimanerulersissinnaallugit ineriartornissaannullu periarfissagissaarnerulersissinnaallugit.

Aamma Qaqortumi Nuummilu ilinniartut najugaqarfiini sulisut amerlisimapput. Tassalu ilinniartut pisariaqartitaat naammassiumallugit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat