Naja Lund atukkiortut unammineranni ajugaavoq
Atuakkiortoq Naja Lund nunat avannarliit atuakkiortuisa peqatigiiffiata Nordboks-ip ukioq 2007-imi atuakkiortunik unammisitsinerani, nunatsinneersunit ajugaavoq. Atuakkiaa ateqarpoq Anitsiarfik .
Unammisitsinermi savalimmiormiut kalaallit saamillu nunaanneersut, meeqqanut atuakkiortui unammeqataapput.
Nunatsinniillu ajugaasutut toqqarneqartoq Naja Lund maannakkut USA-imi najugaqarpoq.
Naja Lund-ip meeqqanut atuakkiaani Anitsiarfimmi oqaluttuarineqarput meeqqat inersimasunngulernermi asannileqqaartarnerat, avissimasunik angajoqqaaqarluni inissisimaneq tassungalu atatillugu ajornartorsiutit, ajornerpaajugaangallu imminornissamik eqqarsaateqalertarneq.
Atukkiortunik unammisitsinermi naliliisut naliliineranni, misigissutsit ,kusanartumik, ullutsinnut naleqquttumik, kalaallisullu paasiuminartumik oqaluttuarineqarnerat isiginiarneqarpoq, meeqqanullu paasiuminartunngorlugu taakkununngalu tulluartunngorlugu atuakkiarineqarnera isiginiarneqarluni.
Naja Lund ajugaanermini 20.000,00 koruuninik akissarsisinneqarpoq, ukiorlu naatinnagu atukkiaa oqaatsinut pingasunut nutserneqarluni saqqummersinneqassaaq.
